سنینله خوش كئچن او گؤروشلری،
عومرومون ان شیرین یوخوسو ساندیم.
سنی تانیدیغیم او گوندن بری،
ائله بیل یوخودان بیردن اویاندیم.
نه شیرین، نه گؤزل بیر رؤیا ایدی،
شیرین صؤحبتلرین، شیرین وصالین.
بو بیر دوستلوق ایدی، یا سئودا ایدی.
ایلیشیب كؤنلومده قالدی خیالین.
منی بو یوخودان اویاتماسینلار،
خیالین كؤنلومدن قوی سیلینمهسین.
یاندیرسین قلبیمی بو عشقین اودو،
یاندیرسین، آشكاردا هئچ بیلینمهسین.
یازار نژاد محمد
+ نوشته شده در پنجشنبه پنجم آبان ۱۳۹۰ ساعت 19:45 توسط ازربایجان مارالی
|