حئییف اؤ سئوگییه ...

اؤ یالانچی ایللر گونه دَیمزمیش،

 گول وئردیم، وئردییم گوله دیمزمیش،

 گؤزومده چاغلایان سئله دیمزیمیش،

 حئییف اؤ سئوگییه، اؤ محبّته.

 بیر دفعه اوره كدن گوله بیلمه دیم،

كؤنلومو كیمسه یه وئره بیلمه دیم،

 سندن باشقاسینی سئوه بیلمه دیم.

 حئییف اؤ سئوگییه، اؤ محبّته.

سن سیز گئجه لریم یوخو بیلمه دی،

 ایچیمده آلیشان آهی بیلمه دی.

 من بیلدیم، سن بیلدین، چوخو بیلمه دی،

 حئییف اؤ سئوگییه، اؤ محبّته.

 اؤزمون اؤزومدن آجیغیم گلیر،

 دوستلاریم كدرلی، دوشمنیم گولور.

اؤلن سئوگیمیزه یازیغیم گلیر،

 حئییف اؤ سئوگییه، اؤ محبّته.

 بو، سن دئییل سن ...

قاییدیب گلیب سن گؤزلری یاشلی،

 دئییرسن: بیر داها كوسن دئییلسن.

 هانی اؤ ووقارین، اؤ سایمازلیغین؛

 یؤخ، بو سن دئییل سن، بو سن دئییل سن.

 دئییرسن واخت كئچیر، زامان گؤزله میر

، دیلین دئدیینی، اوره یین دئمیر

. بو یالواران گؤزل سنه بنزه میر،

یؤخ، بو سن دئییل سن، بو سن دئییل سن.

 گئتدییم هر یئری گودن سن ایدین،

 كوسنده آیلارلا ایتن سن ایدین

، چیرپیب قاپیلاری گئدن سن ایدین

، یؤخ، بو سن دئییل سن، بو سن دئییل سن

. دئییرسن كوسنلر باریشضار یئنه

، نه تئز بویون ایدین بئش گونلوك غمه؟

 اؤزوندن راضی لیق یاراشیر سنه یؤخ،

 بو سن دئییل سن، بو سن دئییل سن.

 دردلی سن، دردینی گئت دانیش سویا،

 اَل اچما، آلچالما من وئرن پایا.

 ائله بیل دیلنچی گلیب قاپی یا یؤخ

، بو سن دئییل سن، بو سن دئییل سن.
حرام